Rhaglen Sgiliau Hyblyg i Gyflogwyr Mawr

Os ydych chi’n defnyddio’r cynllun hwn i ddyfarnu cymhorthdal, rhaid ichi roi gwybod i’r Uned Rheoli Cymorthdaliadau – e-bost: rheolicymorthdaliadau@llyw.cymru.

Cymru

Rhaglen Sgiliau Hyblyg i Gyflogwyr Mawr

Deddf Llywodraeth Cymru 2006, Adran 60 (1)

Trwy weinyddu grant hyfforddiant hyblyg, ein cenhadaeth yw grymuso cyflogwyr mawr sydd wedi'u lleoli yng Nghymru, i uwchsgilio eu gweithluoedd er mwyn ysgogi gwell cynhyrchiant, effeithlonrwydd a phroffidioldeb, gan ddarparu budd economaidd parhaol i'r genedl.

Bydd hyn yn sicrhau rhagor o gymorth a chydweithio rhwng Llywodraeth Cymru a mentrau mawr (fel y'u diffinnir yn Neddf Cwmnïau 2006).

Trwy weinyddu grant hyfforddiant hyblyg, bydd mentrau mawr yng Nghymru yn gallu cael gafael ar gyllid a fydd yn eu grymuso i uwchsgilio eu gweithluoedd, er mwyn ysgogi gwell cynhyrchiant, effeithlonrwydd a phroffidioldeb, gan ddarparu budd economaidd parhaol i'r genedl.

Bydd cyllid ar gael i gyflogwyr yn y mwyafrif llethol o ddiwydiannau ledled Cymru. Mae'n rhaid i'r gweithrediadau a wneir gan y busnes fod yn gyfreithlon ac yn dderbyniol i Weinidogion Cymru.

Mae'r cyllid yn ddewisol a Llywodraeth Cymru sydd â’r gair olaf ynghylch cymhwystra.

Mae mentrau mawr preifat a'r trydydd sector, sydd wedi'u lleoli mewn unrhyw ardal yng Nghymru, yn gymwys i wneud cais am gymorth o dan y Cynllun. Gall cwmnïau weithredu mewn unrhyw sector diwydiant, cyn belled â'i fod yn gyfreithlon ac yn unol â blaenoriaethau Gweinidogion Llywodraeth Cymru ar adeg gwneud cais am gymorth.

Bydd cyfradd ymyrraeth safonol o 50% yn gymwys i bob cyflogwr/menter, ni waeth beth fo'u maint, ac ni ddyfernir mwy na £3,000,000 fesul cyflogwr dros gyfnod o 3 blynedd ariannol yn olynol. Bydd pob cais am gymorth o dan y cynllun hwn yn cael ei ystyried yn ôl ei deilyngdod ei hun, ond ystyrir cost ac ansawdd cyffredinol yr hyfforddiant i'w gefnogi.

Llywodraeth Cymru

Gall cyflogwyr preifat a thrydydd sector sy'n gweithredu mewn unrhyw sector ac yn unrhyw ran o Gymru, sy'n dymuno uwchsgilio eu gweithwyr mewn meysydd technegol ac annhechnegol, wneud cais am y cymhorthdal. Rhaid iddynt fod yn fentrau mawr, fel y'u diffinnir yn Neddf Cwmnïau 2006.

• Gweithgarwch llety a gwasanaethau bwyd
• Gweithgarwch gweinyddol a gwasanaethau cymorth
• Amaethyddiaeth, coedwigaeth a physgota
• Y celfyddydau, adloniant a hamdden
• Adeiladu
• Addysg
• Cyflenwi trydan, nwy, ager ac aerdymheru
• Gweithgarwch ariannol ac yswiriant
• Gweithgarwch iechyd pobl a gwaith cymdeithasol
• Gwybodaeth a chyfathrebu
• Gweithgynhyrchu
• Gweithgarwch gan wasanaethau eraill
• Gweithgarwch proffesiynol, gwyddonol a thechnegol
• Gweithgarwch cyflenwi dŵr, carthffosiaeth, rheoli gwastraff a chyweirio

23 Chwefror 2026 tan 23 Chwefror 2031.

Uchafswm y gyllideb dros oes y cynllun yw £25,000,000.

Grant uniongyrchol

Rhaid i unrhyw fenter sy'n gwneud cais am gymorth fod wedi'i lleoli yng Nghymru, fod yn ddiddyled, ac mae'n rhaid iddi ymrwymo i ryddhau staff i ymgymryd â'r hyfforddiant y gofynnwyd amdano.

Nid yw'n ofynnol defnyddio cwmni hyfforddi penodol – gall yr ymgeisydd ddewis unrhyw ddarparwr hyfforddiant ardystiedig. Fodd bynnag, rhaid i hyfforddiant â chymorth o dan y cynllun hwn fod naill ai wedi'i achredu neu fod o safon diwydiant cydnabyddedig.

Gwneir dyfarniadau ar gymhareb iawndal 50/50 â'r cwmni dan sylw, hyd at uchafswm o £3,000,000 fesul cyflogwr dros gyfnod o 3 blynedd ariannol yn olynol.

Mae uchafswm o £3,000,000 fesul cyflogwr dros gyfnod o 3 blynedd ariannol yn olynol.

I gael rhagor o wybodaeth ynglŷn â gwneud cais am gymorth o dan y cynllun hwn, cysylltwch â'r tîm Sgiliau Hyblyg drwy e-bostio: dfesrm@llyw.cymru

I gael rhagor o wybodaeth am sut mae'r cynllun hwn yn cydymffurfio â Deddf Rheoli Cymorthdaliadau 2022, cysylltwch ag: